Поддршка за штрајкот на УПОЗ!

Левица застанува во потполна поддршка на штрајкот на вработените во судската администрација организиран од страна на Синдикатот на вработените во управата, правосудните органи и здруженијата на граѓани (УПОЗ) и Здружението на судска администрација.

Повикуваме на вклучување на утрешниот протест (8 јуни) пред Министерството за правда, со почеток во 11:00, како кулминација на штрајкот, кој трае веќе 17 дена.

Штајкот е резултат на незадоволство на вработените од игнорантскиот однос на Министерството за правда и Судскиот буџетски совет кон барањата содржани во предлог-спогодбата што им беше доставена од страна УПОЗ. Со предлог-спогодбата, меѓу другото, се бара доделување додатоци на плата од 35% на штрајкувачите, како што тоа го добиле судиите, јавните обвинители и јавнообвинителските службеници. Во основа, шрајкот е насочен против очигледната дискриминација на судските службеници во однос на судиите и јавнообвинителските службеници.

Ги осудуваме сите притисоци што изминативе две недели се вршат врз штрајкувачите со цел да се разнебити единството и упорноста на штрајкувачите и повикуваме на солидарна поддршка на утрешната протестна демонстрација на решеноста да се издејствуваат барањата на вработените.

8ba4c490-659c-4cb3-8c03-b39daf1b019e

Најнови објави